新城奖座变垃圾 被弃天桥底 5个得奖者边个最大嫌疑？
2013年新城劲爆奖座被弃桥底
在该照片中可以看到可以看到该奖座属于2013年新城劲爆颂奖礼、但没有刻上得奖者名字的跃进新人奖，而奖座附近则有一堆被遗弃的女装鞋。而照片被广传后，就有网民列出当年跃进新手奖的五个得奖者，分别是罗力威、连诗雅、龙小菌、蔚雨芯及吴彤五人，佢哋都係最大嫌疑⋯⋯
龙小菌 最快出相表清白
龙小菌首先在其Facebook上放相，写道：「2013年劲爆跃进歌手奖，多谢新城，多谢锐哥当年颁呢个奖畀我，攞一次奖有两个机会讲多谢，我仲有唱歌写歌㗎，谜底好快解开。」相中的她捧着当年奖项，并表示「多谢新城、多谢锐哥」，以证明清白。
蔚雨芯：「冤枉」
另一个当年的得奖者蔚雨芯则在FacebookKing Jer娱乐台中作出回应，表示「啲奖项全部都係晒公司，冤枉」
之后佢又话网友好快手搵到当年得奬相片畀佢，连佢自己都冇咁话！但佢未能有新相证明个奬座仲喺佢手！
连诗雅 将会有相为证
为无綫新剧《致所有爱过的人》开工的连诗雅，透过经理人公司同事帮她在公司奖柜影相证清白，2013年在新城劲爆夺得的两个奖座均完整无缺安放在公司内。佢话因为开工关係无法同个奬合照，但星期日会返公司到时可以同啲奖影相，佢仲话由佢出道夺得所有奖都放喺公司，因为公司有个柜係专放奖座，同公司的周柏豪、郑融的所有奖，也一样放喺公司的奬柜！
罗力威老婆：我住九龙
另外，当年得主之一的罗力威，其太太雨侨话佢哋住九龙区而唔係住北角，而且相中所见到的女人鞋唔係佢，力证掉奬非他们所为！
罗力威：寻日我有去北角！
「嫌疑人」歌手罗力威及后被问到此事，佢闻言立即耍手兼拧头不断话：「真係唔係我！」之后搞笑澄清话：「我有一刻怀疑可能真係我，但谂谂吓觉得冇咩可能，因为我又冇喺嗰头出现，虽然噚日我有去北角，哈哈！」有网民话佢冇理由拎个奬去北角掉，但又叫佢为清白攞实物出嚟！
吴彤 早已移居加拿大
吴彤则在自己的Facebook上发文，表示早已移居加拿大，而佢当日走嘅时候奬项都放在香港的迷你仓内，吴彤称：「移居加拿大一段时间，应该要断捨离都一早断捨离。不过我奖唔多，所以摆仓都仲好多地方，有缘攞出嚟影张相啦，何况咁多女装鞋，我应该冇咁嘅福份，亦冇咁嘅兴趣，祝大家猪年快乐！」而之后佢仲提供咗一张相畀一间报馆，相中显示奬座放喺迷你仓，似乎都係清白！
网民点睇？
当然来到这种寻真兇的情况下，一众香港网民就纷纷金田一上身分析各种线索，其中就有人指奖项弃置地点位于北角，最初大家都以为罗力威所以居于北角，所以嫌疑最大，不过其太太雨侨指二人其实住喺九龙，可能性较低；另外有人指蔚雨芯话奬项一直放喺公司但就冇合照，最大嫌疑似乎係佢。但最有趣的就莫过于有网民在照片传出后赶到现场去希望能拾得该奖项，不过到达时奖项经已消失。
